🐟中環人氣鯛魚湯拉麵🍜
-
依間大阪過江龍拉麵店由佢一開張已經bookmark 左，但每次經過都要排隊。今次就平日12點鐘左右到，等大概15分鐘就入得！排隊其間仲會有店員攞啲紙包飲品同餐牌比客人打發下時間😌 店內位置唔算多，以木系為主，簡約中帶日式嘅味道🥢 餐牌嘅選擇唔多，主要為兩款拉麵，一款沾麵，同四款小食
-
鯛白湯($138) 用上鯛魚，貝類加水 再熬製8小時而成嘅湯底，顏色雪白，飲落魚味香濃，每啖都有魚嘅鮮味😍 加上拉麵面層放左唔少魚肉，令成個鮮味再提升一層，味道更完整~ 食到最後仲會feel到湯嘅底部有唔少魚蓉🐟 碗邊仲會有啲柚子蓉，加落個湯一齊食會有提鮮嘅作用~ 至於叉燒就幾嫩口
*
鯛魚沾麵($148) 限定item，亦都非常適合打卡！麵條嘅底部藏有乾冰，一上枱夠哂吸睛🤩 用埋個金色高身碗裝住，好華麗嘅感覺！麵條嘅麵身比較闊身同呈波浪形，掛湯力高而且煙韌有咬口！湯底雖然就冇拉麵嘅咁濃，醬油味會出啲，但都唔會蓋過魚味
-
櫻木煙燻糖心蛋($15/1隻) 幾推薦一試，糖心效果做得唔錯，幾入味之餘仲帶淡淡嘅煙燻木味，唔會overpowering ，蛋嘅質感都做到軟硬適中！
-
○de▽ 鯛白湯らーめん (中環)
中環鴨巴甸街13號地舖 @ Marudesankaku.hk
Search